الرئيسيةمنتدى خواطر الشمكتبة الصوربحـثالتسجيلدخولتسجيل دخول الاعضاء

شاطر | 
 

 فرمت قلبك.........

اذهب الى الأسفل 
كاتب الموضوعرسالة
ابو جمعة
المشرف العام

المشرف العام
avatar


الدوله :


الجنس : ذكر
عدد المساهمات عدد المساهمات : 92
عدد المواضيع : 3007
السٌّمعَة السٌّمعَة : 0
تاريخ التسجيل : 23/02/2011
العمر : 26

الاضافات
اخر المواضيع:
اهم مواضيعي

حصريا برنامج تصميم الفيديوهات و الملفات المتحركة باحتراف Action Editor فى اصداره الأخير للتحميل المباشر وعلى أكثر من سيرفر

القرأن الكريم كامل و مرتل بصوت الشيخ سيد رمضان

اللجان الانتخابيه هاااااااااااااام

المواد المعدلة فى الدستور وطريقة التصويت

اتـفــاقـيـة الســلام الاكثــر جـدلا فـي العــالـم


التوقيت:


cash 4 cars flat fee mls


مُساهمةموضوع: فرمت قلبك.........   الأربعاء مارس 09, 2011 7:23 pm

فكرت تفرمت قلبك قبل كده ؟؟

أفرمت قلبي ؟!

آه ..

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه بس أنا لما جبته مكنش فاضي ..

يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة طيب ده الجهاز .. قلبي ماله بقى؟؟!

بردو أحنا قلوبنا محتاجة تتفرمت

خليك صادق مع نفسك

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..


طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟


مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..

لما صاحبتك ترن عليك عشان تنزلها
.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟


طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

طيب أنت سعيد بحياتك ؟؟

سعيد باصحابك وصحباتك والخروجات والفسح و الأغني و...

طيب حتى لو عشت اللحظة وقضيت وقت جميل .. بعدها بيكون حالك إيه ؟؟
ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)
مش بتحس بخنقة وكآبة وأي حد يكلمك تتعصب عليه ؟؟

مش اللي بتبات فيه بتصحى فيه ؟؟

ومشاكل كتير مع أهلك ومع الناس مش لاقي لها حل ..
خايف من المستقبل ..
وهتتجوز ازاي ؟؟

وهتصرف منين ؟؟

هي دي عيشة ؟؟!

هي دي حياة ؟؟!

إيه اللي مصبرك على الوضع ده ؟؟

مفكرتش تغير حياتك ؟؟

مفكرتش تعيشها صح ؟؟

مفكرتش تعيشها لله ؟؟ بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..

تفتكر إيه اللي ممكن يصبر الملتزمين على عيشتهم لو كانت لا تطاق
.. هما لو مش لقيوا السعادة في طريق ربنا أكيد كانوا تركوه من زمان !!

يعني هو ايه اللي يخليه ميسمعش أغاني ؟؟

أكيد وجد الأجمل منها

ليه ترك الحب الحرام ؟؟((مش الحب الحقيقى الحب الحرام ))
أكيد وجد حب الله

ياااه حب الله .. جربت قبل كده تفرمت قلبك ومتحملش عليه غير حب الله

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

تصحى من النوم مفيش على لسانك غير ذكر الله

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني ..

مش هيقبلك !
ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ)
مش بس يرحمك .. وكمان يدافع عنك


ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..


أنا ؟!

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟

ممكن تخاف من حد وأنتا مع الله ؟!


ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..


افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)


فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

ياربي جاب الثقة دي منين ؟!

شوف الآية اللي بعدها بيقول إيه: (اني توكلت على الله ربي وربكم)

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..
توكل على الملك الذي بيده كل شيء ..

بيده عربيات الدنيا وقصورها وبترولها ..

بيده قلوب الناس .. قادر انه يخلي طوب الأرض يحبك


ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره
وبردوا كنا اجتهدنا فى عملنا ووفقنا فيه ويرفعنا فيه

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم
مش هطول عليك بس هقولك :

أنت دلوئتي قدامك الفرصة .. باب التوبة مفتوح

لكن لو مت وقلت رَبِّ ارْجِعُونِ .. هيقولك كَلَّا
ليه دايما كلنا كده نقول لسه بدرى علينا يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم:
انت شايف كده فعلا

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى
واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

ولو زودت كرمك او تقرأ ولو 3 صفحات قران على الاقل

بدل قعادك على النت وبتقرأ ب 10000000 صفحه وبفرحه كمان

وبتسمع الاغانى وبتحفظها لو حبيت كمان

ياريت الكل يفرمط قلبه ويكون صافى من جواه وصدقنى لو مشيت

ورا ربك هو الى هينفعك فى الدنيا والاخره كمان
واخيرا لابد ان تضع هذه المقولة
دائما امامك

عش ما شئت فإنك ميت
واحبب من شئت فإنك مفارق
واعمل ما شئت فإنك ملاقيه
الرجوع الى أعلى الصفحة اذهب الى الأسفل
 
فرمت قلبك.........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى خواطر الشقيرى :: المنتدى الاسلامى :: الصوتيات والمرئيات-
انتقل الى:  
احصائيات المنتدى





منتدى خواطر الشقيرى


استايلات المنتدى

 




 


  ~ [ ابرئ نفسي ، امام الله ثم امام جميع الزوار والأعضاء ، على مايحصل من تعارف بين الأعضاء أو زوار بما يخالف ديننا الحنيف ، الإدآرهـ ]~